ابحث عن عقارك
عقار أكتوبر,عقارات اكتوبر,عقارات مدينة اكتوبر,شقق للبيع بمدينة اكتوبر,اراضى للبيع فى مدينة اكتوبر,فيلات

تطورت فكرة الوساطة العقارية مع الوقت , فى البداية كان الموضوع بإختصار يجى واحد بيدور على عقار يعدى على عبدالسميع البواب يسأله مفيش شقة فى العمارة دى للبيع ؟؟؟

عبدالسميع يقوله فى طبعا يا بيه وياخده يفرجه ويقنعه بالشقة ويقوله الشقة دى لقطه ولو ملحقتهاش هتندم طول عمرك ويعمله البحر طحينة.

اتطور الوضوع بعد كده لفكرة السمسار او المسوق العقارى الى عنده مكتب بيروحله البايع يعرض عنده العقار ويبدأ السمسار يسوق العقار بأى اسلوب من اول الجورنال لحد ما وصلنا للفيس بوك فى زمنا ده .

لسه برده فكرة أن يقنع الزبون ان دى الحاجه المناسبة ويزينه فى عينه وياتلحق يا متلحقش

تطورت الفكرة بعد كده ووصلت لفكرة المستشار العقارى ودول قليل فى السوق العقارى .

أيه ؟ مستشار ؟!!!! وبيعمل ايه بقى سيادة المستشاره ده ؟!!

انا هقولك بإختصار بس ركز معايا . من الاخر السمسار بيبيعلك شقة ... أما المستشار بيشتريلك شقة .

طب وايه الفرق ؟؟.

لاااااااااااا الفرق كبير اوى يا بيه .

أما اكون ببعلك العقار يعنى مهمتى ان اقنعك بالعقار الى عندى وخلاص عشان اخد عمولتى وانجز . أما اكون بشتريلك  تفرق كتير.

لان مهمتى ساعتها اعرف ظروفك ايه واحتياجاتك ايه . بتشترى عشان تسكن ولا عشان تستثمر ؟

هتسكن دلوقتي ؟ ولا بعد كام سنه ؟ وغيره وغيره من الحاجات الى بتعرفنى ايه احتياجك بدقة .

وبعدها اوفرلك الحاجه المناسبه حتى لو مش معروضة معايا . المهم أنى احققلك احتياجك عشان بنعتمد فى شركتنا ان نبنى علاقة طويله الامد تفيدنا فى شغلنا مع بعض بعد كده وتتكلم عننا كويس .

بعد ما تتفرج وتبحث عن العقارات من أكبر محرك بحث عقارى فى مدينه السادس من اكتوبر  

ممكن متلقيش حاجه تناسبك وممكن تلاقى حاجه تفتكر انها تناسبك . عشان كده لازم نقعد مع بعض وندرس احتياجك وظروفك ونشوف ايه الى يناسبك فى سوق عقارات مدينة 6 اكتوبر الى احنا فاهمينه كويس جدا .

محمد شاهين